श्री तुळशीची आरती

जय देवी जय देवी जय माय तुळशी। निजपत्राहुनि लघुतर त्रिभुवन हे तुळसी ।।धृ।। 

ब्रह्मा केवळ मुळी मध्ये तो शौरी । अग्री शंकर तीर्थे शाखापरिवारी । सेवा करिती भावे सकळहि नरनारी । दर्शनमात्रे पापें हरती निर्धारी ।।१।। 

शीतळ छाया भूतळव्यापक तू कैसी । मंजिरीची बहुआवड कमळारमणासी । तव दलविरहित विष्णू राहे उपवासी। विशेष महिमा तुझा शुभ कार्तिकमासी ।। २ ।।

 अच्युत माधव केशव पीतांबरधारी। तुझिया पूजनकाळी जो हे उच्चारी। त्यासी देसी संतति संपत्ति सुखकारी। गोसावी सुत विनवी मजला तू तारी ।। जय देवी.. ।।३।।