आरती विष्णूमूर्ति । जय महालया शक्ति । आरती विष्णूमूर्ति ।। धृ.।।
मोहिनी रूप तुझें तुवा आणिलें युक्ति। बैसोनी देव दैत्य सर्व समुदाया पंक्ति। वाटिलें एकवट सुरा असुरा युक्ति ।।१।।
चोरूनि राहुनें अमृतपान केलें । देखोनि शशिसूर्य मग तुज जानविलें । चक्र हें काढोनियां त्याचें शिर छेदिले । ग्रासिले रविचंद्रा ग्रहण तेथोनि झालें ।। २।।
प्रसिद्ध निधिवास जेथें प्रवरा वाहे । ते स्थळीं वास तुझा भूमिवैकुंठ आहे । भक्तिमुक्ति शीघ्र पावे तव भजनी राहे । गोसावी नंदन म्हणे कृपेनें पाहे ।।३।।